Komandamyzdyń daıyndyǵy myqty - Vankýver Olımpıadasynyń kúmis júldegeri, bıatlonnan QR komandasynyń kóshbasshysy Elena Hrýstaleva

Al qańtar aıynyń alǵashqy onkúndiginde ol nemistiń Oberhof qalasynda ótetin Álem kýbogynyń kezeńdik jarysyna qatysady. Azıada aıaqalǵan soń sportshymyz 1-13 naýryz aralyǵynda ótetin Reseıdiń Hanty-Mansıısk qalasyndaǵy Álem chempıonaty men Norvegııada ótetin Álem kýbogynyń sheshýshi satysyna daıyndyǵyn bastaıdy.

-Elena, 2011 jylǵy Azıda oıyndarynda Qazaqstannyń úlken úmit artyp otyrǵan birden-bir sportshysy ózińiz. Mıllıondaǵan jankúıerler altynnan alqa taǵynǵanyńyzdy kútip otyr...

-Iá, Azıadaǵa az ǵana ýaqyt qaldy. Jalpy alǵanda, komandamyz jaqsy daıyndyq ústinde, ıyǵymyzda úlken jaýapkershilik bar, jankúıerlerdiń barlyǵy jeńis kútýde, biz de laıyqty daıyndalyp jatyrmyz. Óz basym bul básekede jeńiske jetýdi kózdeımin. Meniń oıymsha, Qazaqstannyń maqtanar sátteri kóp bolady. Árıne, bizdiń eń basty qarsylastarymyz qytaılyq bıatlonshylar, olar eń úzdik ondyqtyń quramyna kiredi.

-Sizdiń olımpıadada alǵan júldeńiz otandyq bıatlon tarıhyndaǵy alǵashqy medal, áıtse de Sizdi keıbir kezderi áli kúnge deıin reseılik sportshy dep atap jatady...

-Men Reseıde dúnıege keldim, quramada kóp jyldar daıyndalǵanymmen, aıtarlyqtaı jeńisterge jete almadym. Sondyqtan basqa jerden baqyt izdeımin dep sheshtim, Belarýsta turǵan bir jyldan keıin Qazaqstanǵa keldim. Qazaqstanǵa jańadan kelgenimde negizgi qoldaý Qaıyrgeldi Janpeıisov basqaratyn Respýblıkalyq joǵary sporttyq sheberlik mektebi tarapynan boldy. Keıin meni Shtattaǵy ulttyq komandalar dırektsııasyna qosty.

Qazir Qazaqstan azamattyǵym bar, Vankýverdegi Olımpıadadan keıin syılanǵan Almaty oblysy Qaskeleń qalasynda páterim bar, biraq ázirge Almatyda turyp jatyrmyn. Bul jer maǵan unaıdy. Jalpy Almaty qalasy barlyq jaǵynan yńǵaıly, qazirgi zamanǵy megapolıs, jyly aýa raıy, taýlary janynda. Kúndelikti ómir. Tańerteń jattyǵýǵa ketemin, keshke úıge oralamyn.

-Siz Jaýyngerler shatqalynda boldyńyz, bıatlon men sporttyq baǵdarlaý jarystary qaı jerde ótetin boldy?

- Iá, 2010 jylǵy 17-21 qarasha aralyǵynda E.Hrýstalevanyń júldesi úshin bıatlonnan ótken birinshi Ashyq respýblıkalyq saıystar jeńimpazdaryn marapattaý kezinde barǵanmyn. Bul jarys alǵash ret ótkizildi. Jas sportshy qyzdar men balalardy marapattadym. Men úshin bul óte qurmetti ári jaýapty is.

-Stadıon sizge áser qaldyrdy ma? Biregeı sport nysanyna qatysty ne aıtasyz?

- Ol jerdiń tabıǵaty óte ádemi, aýmaǵy men kesheni úlken, nysana kózdeıtin alańy bar, men ol jerge kúz mezgilinde barǵanda, jumystardyń barlyǵy aıaqtalyp qalǵan bolatyn. Tamasha áser aldym. Meniń bilýimshe, tek qana Amerıkada ǵana osyndaı stadıon bar. Al TMD ishinde bundaı stadıondar joq ekeni anyq.

- Sportpen qansha ýaqytqa deıin shuǵyldanamyn degen josparyńyz bar? Jattyqtyrýshy jumysy jaıly oılanyp kórgen joqsyz ba?

-Ony ýaqyt kórsetedi. 2014 jyly Sochıde ótetin Olımpıadaǵa deıin sportpen shuǵyldanarym anyq. Al keıin hal-jaǵdaıyma baılanysty kóremiz. Qazir men osy kúnime qýanymyn, álemde, ásirese sport áleminde bári aýyspaly, sondyqtan alysqa jospar qurmaımyn. Al jattyqtyrýshy jumysyna keletin bolsaq, kóp kúsh-jiger men ylǵı da saparda júrýdi qajet etetindikten, komandanyń bas jattyqtyrýshysy bolýdy kózdemeımin.

Al balalardy jattyqtyrý máselesi boınysha oılanyp kórýge bolady, ázirge naqty eshteme aıta almaımyn. Ókinishke oraı, Qazaqstanda balalardyń bıatlon kesheni joq, al jemisti jumys isteý úshin ondaı keshen mindetti túrde qajet. Jańa sport nysandarynyń boı kóterýi árıne, jaqsy, alaıda úıdiń, mekteptiń janynda ornalasatyn balalarǵa arnalǵan sporttyq keshender de qajet. Biz el quramasy úshin bolashaq sportshylardy basqasha qalaı daıyndaı alamyz?

-Sizge úlken jeńiser tileımiz jáne suhbatyńyzǵa rahmet!