Komandamen «kóshýge» ruqsat etiletin memlekettik qyzmet túrleri bolady
«Bir memlekettik qyzmetten ekinshi memlekettik qyzmetke kóshý azaıtylady. Tolyǵymen alynyp tastalady deýge de bolady. Degenmen saıası memlekettik qyzmettegi birinshi tulǵalarǵa qyzmet etetin laýazymdar ǵana kóshe alady. Olar: keńesshiler, kómekshiler, baspasóz hatshylary. Ózge memlekettik qyzmettegi ishki aýysýlar memlekettik qyzmetkerler arasyndaǵy ashyq baıqaý arqyly ótkiziledi. Jalpy QR Memlekettik qyzmet isteri jáne sybaılas jemqorlyqqa qarsy kúres agenttigi jasaqtaǵan barlyq tetikterdi Jańǵyrtý boıynsha ulttyq komıssııa maquldady», - dep atap ótti ol.
S.Ahmetjanovtyń málimdeýinshe, jańa júıe álemdegi memlekettik qyzmet qurylymy eń ozyq 30 eldiń tártibine jaqyn keledi. Mundaı qadam qazirgi jahandaný dáýirinde zamanaýı talaptardyń deńgeıinen tabylady. Sonymen birge sheneýnikter arasyndaǵy sybaılas jemqorlyqty da tómendetip, memleketke shynaıy, adal qyzmet etý úlgisin qalyptastyrý kózdelýde. Burynǵydaı bastyq degen sóz de qoldanystan alynady da, tek qana Prezıdent ákimshiligi men quqyq qorǵaý organdarynda ǵana saqtalyp qalady.