Komandalyq jarysta reıtıng sheshýshi ról atqarmaıdy - ıAroslava Shvedova
NUR-SULTAN. QazAqparat - Qarasha aıynda Shotlandııanyń Glazgo qalasynda ótetin komandalyq álem chempıonatyna Qazaqstan áıelder quramasy qatysady. Qurama kapıtany ıAroslava Shvedova osy jarystan ne kútetini jóninde aıtty, dep habarlaıdy QazAqparat tilshisi.
Qazaqstandyqtar S tobynda Ulybrıtanııa jáne Ispanııa quramasymen synǵa túsedi.
ıA.Shvedovanyń aıtýynsha, qaı komanda da osal emes.
«Ulybrıtanııalyqtar óz alańynda óner kórsetetindikten, baryn salary sózsiz. Ispanııalyqtar da myqty qarsylas. Degenmen bizdiń quram olarmen ıyq teńestire alady. Qarashaǵa deıin biraz ýaqyt bar, kimderdiń baratyny jóninde aıtýǵa áli erterek. Qaıtken kúnde de kúshti qurammen baryp, toptan ozyp shyǵý ǵana emes, álem chempıony bolýdy maqsat etemiz. Komandalyq jarysta reıtıng asa mańyzdy emes. Sondyqtan kim-kimniń de tabysqa jetý múmkindigi bar. Eń bastysy, kim jaqsy daıyndalyp, babynda barsa, sol jeńedi. Bizdiń maqsatymyz da osy», dedi ıA.Shvedova.
Eske sala keteıik, budan buryn tennısshi Beıbit Jýkaevtyń álemdik reıtıngide jeke rekordtyq nátıjege qol jetkizgenin jazǵan bolatynbyz.
