Qomaqty aqshamen jumysqa «turǵyzatyn» semeılik ustaldy
SEMEI. QazAqparat - Semeıde polıtseıler turǵyndardy «jumysqa turǵyzamyn» dep aldaǵan alaıaq qala turǵynyn ustady. Bul týraly QazAqparat tilshisi oblystyq ІІD baspasóz qyzmetine silteme jasap habarlaıdy.
Alaıaq qala turǵynyn iri aktsıonerlik qoǵamnyń birine jumysqa turǵyzyp beremin dep ýáde etken. Bul qyzmetine ol 600 myń teńge kóleminde syıaqy alǵan.
Onyń sózine sengen jábirlenýshi tıisti somany qolyna birden ustatqan. Alaıda arada 4 aı ótse de qala turǵyny áli jumyssyz. Al jumyspen jarylqaýǵa ýáde bergen azamattan esh habar bolmaǵan soń qala turǵyny quqyq qorǵaý organdarynyń kómegine júgingen.
Jedel izdestirý sharalary kezinde 35 jasar buryn sotty bolǵan, jumyssyz qala turǵyny ustaldy.
«1 tamyz kúni Semeı qalalyq Zaton polıtsııa bóliminiń qyzmetkerleri alaıaqtyq faktisin ashty. 41 jasar qala turǵynynyń aryzy kesh túskenine qaramastan, krımınaldy polıtsııa bólimi kúdiktini ustady. Tergeý kezinde kinásin tolyq moıyndady. Ol qazir qamaýǵa alyndy», - delingen baspasóz qyzmeti taratqan aqparatta.
Azamattyń ústinen QR Qylmystyq kodeksiniń 190-baby «Alaıaqtyq» baby boıynsha is qozǵalyp, sotqa deıingi tergeý amaldary júrgizilýde.
Oblys polıtseıleri alaıaqtardyń qurbany bolmas úshin beıtanys tulǵalarǵa sene bermeý kerektigin eskertedi.
