Komada jatqan Shýmaherdi sotqa berip jatyr
ASTANA. QazAqparat - 4 aıdan beri komada jatqan álemniń jeti dúrkin chempıony Mıhael Shýmaherdiń ústinen aryz tústi, dep habarlaıdy RIA Novostı.
Sotqa aryzdanǵan mototsıkl júrgizýshisi ótken jyldyń qarasha aıynda Bormýhos qalasynda Shýmaher jalǵa alǵan Audi A4 kóligimen kele jatyp jol erejesin buzdy deıdi. Sonyń saldarynan ol mototsıklge qaqtyǵysyp, onyń júrgizýshisi bilegin jaraqattap, saǵatyn, kıimin jáne mototsıklin búldirip alypty. Endi sonyń óteýin komada jatqan avtoshabandozdan surap otyr.
Alaıda sot protsesi tek saqtandyrý kompanııasy aryzben kelispegen jaǵdaıda ǵana bolady, dep habarlaıdy Mirror Online.
Eske sala ketsek, Frantsııadaǵy Merıbelde 2013 jylǵy 29 jeltoqsanda taý betkeıinde shańǵy teýip júrgen Shýmaher qulap, basynan aýyr jaraqattanǵan bolatyn. 45 jastaǵy shabandoz sodan beri Grenobl gospıtaldarynyń birinde es-tússiz jatyr.
