«Qoljetimdi sport» jobasyn birde-bir óńir bastamaǵan – Sport mınıstri

ASTANA. KAZINFORM – Birqatar óńirde sport nusqaýshylarynyń sany azaıyp ketti. Bul týraly Úkimet otyrysynda Sport jáne týrızm mınıstri Erbol Myrzabosynov aıtty.

- Sońǵy jyldary halyq arasynda dene shynyqtyrý men sportty nasıhattaıtyn jobalar belsendi júzege asyrylyp jatyr. Jarqyn mysal – «Aýlafıt». Bul joba azamattarǵa nusqaýshylardyń jetekshiligimen aýlalar men alańdarda tegin jattyǵýǵa múmkindik beredi. Kóptegen adam úshin bul turaqty túrde sportpen aınalysýdyń alǵashqy qadamy boldy. Qazir elde 5 625 sport nusqaýshysy jumys isteıdi, onyń 3 015-i - aýyldyq jerde. Olar – buqaralyq sporttyń negizgi qozǵaýshy kúshi. Biraq keı óńirlerde nusqaýshylar sany azaıdy: Mańǵystaý – 86 adamǵa, Qaraǵandy – 77 adamǵa, Aqtóbe – 35 adamǵa. Sonymen birge Batys Qazaqstan, Túrkistan jáne Pavlodar oblystarynda ósim bar, - dedi Erbol Myrzabosynov.

Onyń dereginshe, 2029 jylǵa qaraı aýyldyq jerlerdegi sport nusqaýshylaryn 4 000 adamǵa deıin kóbeıtý josparlanyp otyr. Bul turǵyndardy keńinen qamtýǵa jáne sportty barlyǵyna qoljetimdi etýge múmkindik beredi.

- «Qoljetimdi sport» jobasy – skandınavııalyq serýendeý, júgirý, gımnastıka, ıoga, fıtnes, strıtvorkaýt, shańǵy, ústel tennısi jáne basqa da baǵyttardy qamtıdy. Bul joba tujyrymdamada kózdelgen jáne barlyq óńirde iske qosylýy tıis. Alaıda ázirge eshbir óńir ony bastamaǵan, - dedi mınıstr.

Onyń dereginshe, elimizdiń óńirlerinde 14 jańa stadıon salý qajet.