Qoljetimdi baspana – turmys sapasynyń jaqsarǵanyn bildiretin negizgi kórsetkish – Toqaev
ASTANA. KAZINFORM – Byltyr memleket áleýmettik osal toptaǵy azamattarǵa 21 myńǵa jýyq páter satyp aldy. Bul týraly Memleket basshysy Qasym-Jomart Toqaev málim etti.

- Turǵyndarǵa, ásirese áleýmettik jaǵynan osal toptaǵy azamattarǵa baspananyń qoljetimdi bolýy – turmys sapasynyń jaqsarǵanyn bildiretin negizgi kórsetkish. Byltyr memleket osy sanattaǵy adamdar úshin 21 myńǵa jýyq páter satyp aldy, - dedi Qasym-Jomart Toqaev ulttyq quryltaıda.
Prezıdent keltirgen derekke súıensek, sońǵy eki jylda birqatar qalada (Semeı, Taraz, Kentaý, Oral) erekshe qajettiligi bar adamdarǵa arnalǵan zamanaýı ońaltý ortalyqtary boı kóterdi.
- 2026 jyldyń aıaǵyna deıin Aqtóbede, Atyraýda, Kókshetaýda, Shymkentte jáne Taldyqorǵanda dál osyndaı ortalyqtar ashý qajet, - deıdi Memleket basshysy.
Sondaı-aq Qasym-Jomart Toqaev el óńirlerinde ótetin túrli mádenı-týrıstik is-sharalardy brend retinde qalyptastyrý qajettigin aıtty.
Odan bólek, Prezıdent shekaralyq eldi mekenderdiń búgingi ahýalyna toqtaldy.