«Qoljetimdi turǵyn úı - 2020» baǵdarlamasy boıynsha qurylys jumystary bastalady
ALMATY. 4 shilde. QazAqparat - Qurylys bıyl bastalady dep josparlanyp otyrǵan «Qoljetimdi turǵyn úı - 2020»baǵdarlamasy jobasy iske qosylǵan kezde 250 myń sharshy metr turǵyn úı paıdalanýǵa beriledi.
Al bolashaqta onyń kólemi 500 myń sharshy metrge deıin óspek. Elbasynyń Qazaqstan halqyna Joldaýyndaǵy tapsyrmasy boıynsha bekitilgen bul baǵdarlamanyń basty baǵyttarynyń biri «Satyp alý quqyǵymen jalǵa beriletin turǵyn úı» bolyp tabylady. Ol «Qazaqstan ıpotekalyq kompanııasy» ıpotekalyq uıymy» AQ-men júzege asyrylmaq.
Kompanııanyń baspasóz qyzmetiniń habarlaýynsha, bastapqy kezeńderde qurylystyń 1 sharshy metriniń ortasha quny 100 myń teńgeni quraıdy. Ol baǵa ornalasqan aýmaqtaryna, seısmıkalyq erekshelikterine baılanysty ózgertilýi múmkin. Bastapqy kezeńderde qurylysty jalǵa alýdyń 1 sharshy metriniń ortasha quny 100 myń teńgeni quraıdy. Jalǵa beriletin jaılylyǵy 3-4 synypty turǵyn úılerdiń aýmaǵy 35 pen 80 sharshy metr aralyǵynda bolady. Satyp alý quqyǵymen mynadaı talaptarmen jalǵa beriledi: 1-satyp alý quqyǵymen turǵyn úı 15 jylǵa beriledi, sodan keıin turǵyn úı jalǵa alýshynyń menshigine ótedi; 2- bastapqy jarna 6 aılyq jalǵa alý tólemin quraıdy; 3-jalǵa beriletin turǵyn úıdi 10 jyldan keıin satyp alýǵa bolady; 4-tabysy jetkiliksiz bolǵan jaǵdaıda qosalqy jalǵa alýshylardy tartý múmkindigi bar; 5-jalǵa alý quqyǵyn úshinshi tulǵalarǵa berý múmkindikteri de bar; 6-aǵymdaǵy qarjylyq jaǵdaıyna baılanysty aýmaǵy turǵyn úılerge aýystyrýǵa bolady.
Jalǵa beriletin turǵyn úılerge muqtaj azamattardyń tizimine kirý jáne olar boıynsha qujattardy qabyldaý jergilikti atqarýshy organdarmen (JAO) júrgiziledi. Turǵyn úıler beriletin azamattardyń sanaty týraly jáne tapsyrýǵa qajetti qujattardyń tizimi týraly tolyq aqparatty JAO-dan alýǵa bolady.
Jalǵa beriletin turǵyn úıdi bólgenge deıin Baǵdarlamaǵa qatysatyn áleýetti qatysýshylarynyń tólem qabilettiligin saraptaý Qazaqstan ıpotekalyq kompanııasymen júrgiziledi. Jalǵa beriletin turǵyn úıdi alýǵa muqtajdyǵy basym azamattar tizimi sanattaryna qaraı JAO-men júrgiziledi.
Kompanııa baǵdarlamany iske asyrý maqsatynda «Birlesken tólem júıesi» jáne «Qazaqstandyq turǵyn úı-qurylys korporatsııasy» dep atalatyn kompanııalardy qurady. Olar jalǵa alýshylarmen qajetti jumystardy (jalǵa alý sharttaryn, kommýnaldyq/paıdalaný qyzmetterin jáne t.b. qyzmet kórsetý sharttardy jasaıdy), jalǵa alý tólemderin bir júıege keltirý, áleýetti qurylys jumystaryn júrgizýshilerdi anyqtaý jónindegi sharalardy júrgizedi jáne qurylystyń barlyq kezeńderin baqylaıtyn bolady.
