«Qoljetimdi turǵyn úı-2020» baǵdarlamasy áli de pysyqtala túsedi

ASTANA. 23 aqpan. QazAqparat  -  «Qoljetimdi turǵyn úı - 2020» baǵdarlamasy áli de pysyqtala túsedi.  Bul týraly QR Parlamenti Májilisi Qarjy jáne bıýdjet komıtetiniń keńeıtilgen otyrysynda «2012-2014 jyldarǵa arnalǵan respýblıkalyq

bıýdjet týraly» QR zańyna ózgerister men tolyqtyrýlar engizý týraly» zań jobasyn talqylaý barysynda Qarjy mınıstri Bolat Jámishev málim etti.

Mınıstrdiń aıtýynsha, talqylaýǵa usynylyp otyrǵan 2012 jyldyń bıýdjet jobasynda «Qoljetimdi turǵyn úı - 2020» baǵdarlamasyn iske asyrýǵa 36 mlrd. teńge jumsaý josparlanyp otyr. Bul rette ınjenerlik-kommýnıkatsııalyq ınfraqurylymdy jobalaýǵa 11 mlrd, al turǵyn úılerdi salýǵa 25 mlrd. teńge kózdeledi.

«Qoljetimdi baspanany qamtamasyz etetin baǵdarlama áli de pysyqtala túsedi. Óıtkeni bul baǵytta jas otbasylar úshin komponentter qaralatyny kózdelip otyr. Al bıýdjette dál osy sanatqa, ıaǵnı jas otbasylarǵa arnalǵan baspana úshin 15 mlrd. teńge qarastyrylǵan», - deıdi B. Jámishev.