Qoljetimdi baspana baǵdarlamasy boıynsha Almaty qalasynyń ákimi 10 otbasyǵa jańa páterdiń kiltin tabys etti
ALMATY. 1 mamyr. QazAqparat - Búgin Almaty qalasynyń Alataý aýdanyndaǵy Qarasý yqshamaýdanynda salynyp jatqan kottedjder qalashyǵynan 36 otbasy qalalyq qoljetimdi baspana baǵdarlamasy boıynsha jańa páterlerdiń kiltin aldy.
Olardyń 10-yn shahar basshysy Ahmetjan Esimov óz qolymen «Halyq» sporttyq oıyn-saýyq kesheni parkinde ótken Qazaqstan halqynyń biriligi merekelik sharasy kezinde tabys etti. Olardyń arasynda Irına Saıramova, Saıat Ábýseıtov, Aıgúl Kerimtaeva, Almas Balabaev, Galına Orazova sııaqty azamattar bar.
Qarasý yqshamaýdanyndaǵy kottetedj qalashyǵynda jalpy 928 otbasy baspanamen qamtamasyz etilmek. Onda qurylysy damyǵan elderde sońǵy 50 jylda keńinen qoldanylyp kele jatqan jeńil juqa bolat qabyrǵaly konstrýktsııalar tehnologııasy qoldanylýda. 3-4 aıda turǵyzylatyn bul úılerdiń seısmıkalyq beriktigi 9 ballǵa tótep beredi. Bul tehnologııa AQSh, Japonııa, Kanada sııaqty elderde keń qoldanylatyn qoǵamdyq jáne turǵyn úı ǵımaratynda halyqqa qoljetimdi baǵada óte senimdi turǵyn úı salýǵa jaqsy múmkindik bergen bolatyn. Kottedjder qalashyǵynyń qurylys jumystarynyń jetekshisi Tımýr Levınniń aıtýynsha, kólemi 75 sharshy metrdi quraıtyn bul úılerdiń árbir sharshy metriniń baǵasy 101 myń teńgeni quraıdy. Bul - qazirgi tańda qaladaǵy eń tómengi baǵa bolyp otyr.
