«Qoljetimdi baspana» baǵdarlamasy aıasynda iri paneldi úı qurylysynyń tehnologııasy qoldanylady
ASTANA. 15 tamyz. QazAqparat - «Qoljetimdi baspana-2020» baǵdarlamasyn júzege asyrý elimizdiń turǵyn úı qoryn tolyqtyryp qana qoımaı, sonymen qatar respýblıkadaǵy qurylys ındýstrııasyn damytýǵa da jańa serpin beredi.
Baǵdarlama aıasynda karkastyq-jınaý jáne iri paneldi úı qurylysy tehnologııasyn qoldaný usynylady. Bul týraly Pm.kz saıtynan habarlandy.
Toqtala ketetin jaıt, úı qurylysy kombınattary júıesin damytý «Qoljetimdi baspana-2020» baǵdarlamasynyń basym baǵyty bolyp tabylady. Bul rette QR Qurylys jáne turǵyn úı kommýnaldyq sharýashylyǵy agenttiginiń tóraǵasy Serik Nokın Qazaqstandaǵy baspananyń qoljetimdiligi, birinshi kezekte, sapaly, qymbat emes qurylys materıaldaryn qoldaný esebinen, ekinshiden qurylys jumystaryn jyl boıy júrgizý esebinen qamtamasyz etilýi kerek dep esepteıdi.
«Qoljetimdi baspana-2020» baǵdarlamasyn júzege asyrý úshin Qurylys ındýstrııasyn damytý baǵdarlamasyna túzetýler engiziletin bolady. Endi karkastyq-jınaý úı qurylysynan basqa, úı qurylysynyń merzimin azaıtyp, qunyn tómendetý úshin basymdylyq retinde iri paneldi úı qurylysy qarastyrylady», - degen edi S.Nokın budan buryn Pm.kz saıtyna bergen suhbatynda. Búgingi kúni úı qurylysy kompanııalarynyń ornalasatyn aýmaqtyq orny men olardyń «Qoljetimdi baspana-2020» baǵdarlamasyna qatysýy deńgeıin anyqtaıtyn arnaıy jumys toby qurylǵan.
Sonymen qatar, úı qurylysy kombınattarynyń negizgi artyqshylyqtary joǵary deńgeıdegi ónimdilik, ári joǵary deńgeıdegi sapany saqtaı otyryp jyldamdyq pen tómen baǵaǵa qol jetkizý bolyp tabylady. Ónim kóp qabatty, az qabatty jáne jeke turǵyn úı qurylysynda qoldanylýy múmkin. Elimizde úı qurylysy kombınattaryn uıymdastyrý úshin úı qurylysy ındýstrııasyna arnap zaýyttar men qondyrǵylar jınaǵyn óndiretin sheteldik kompanııalardyń tájirıbesi zertteldi.
«Іri paneldi úı qurylysy tehnologııasy Reseı men Belorýsııada keńinen qoldanylady, osy tehnologııany paıdalaný arqasynda turǵyn úı problemasyn jaqsartýǵa qol jetkiziledi. Іri paneldi qurylys qarqyndy arttyryp, qurylysty arzandatýǵa, onyń mádenıeti men sapasyn kóterýge múmkindik beredi. Іri paneldi úı qurylysynyń zamanaýı tehnologııalary barlyq paıdalaný sapalary boıynsha búgingi kúnniń normatıvti talaptaryna saı keledi», - dep málimdedi Pm.kz saıtyna Astana qalasyndaǵy «Shar Qurylys» kombınatynyń qurylys jónindegi joba jetekshisi Dinmuhammed Qusaıynov. Al boljamdyq baǵa boıynsha, «Qoljetimdi baspana-2020» baǵdarlamasyn júzege asyrý úshin 2020 jylǵa qaraı otandyq qurylys materıaldaryn óndirýshilerdiń úlesi 90% deıin artady.
Toqtala ketetin jaıt, qazir atalǵan baǵdarlama boıynsha negizgi qurylys jumystary kólemin esepke ala otyryp, qurylys materıaldaryna suranys qaıta esepteldi. QR Indýstrııa jáne jańa tehnologııalar mınıstrliginiń málimetterine qaraǵanda, respýblıkada qurylys materıaldaryn óndirýmen 1 254 kásiporyn shuǵyldanady, olardyń 199 iri kásiporyndar. Indýstrııalandyrý baǵdarlamasynyń eki jyly ishinde jalpy somasy 117 mlrd teńge bolatyn 85 qurylys jobasy paıdalanýǵa berildi. 2012-2014 jyldary 200 mlrd. teńgeden astam somanyń 35 jobasyn júzege asyrý josparlanýda.
Qazaqstannyń qurylys ındýstrııasy respýblıkanyń eknomıkalyq damýynyń kóshbasshysy bolady. Atalǵan salaǵa ınnovatsııalyq tehnologııalardy tartý sapaly ári arzan qurylys materıaaldaryn óndirýdi, sóıtip «Qoljetimdi baspana-2020» baǵdarlamasy boıynsha turǵyn úı qurylysyna suranysty qamtamasyz etedi.
