«Qoljetimdi baspana» baǵdarlamasy aıasynda bıylǵy qurylys jospary oryndalady - Q. Óskenbaev

ASTANA. QazAqparat - «Qoljetimdi baspana» baǵdarlamasy aıasynda 2012 jyldan beri jıyrma alty mıllıon sharshy metrden astam baspana salyndy.

Bul týraly búgin Ortalyq kommýnıkatsııalar qyzmetindegi baspasóz máslıhatynda QR Ulttyq ekonomıka vıtse-mınıstri Qaıyrbek Óskenbaev málim etti.

«2012 jyly «Qoljetimdi baspana» baǵdarlamasy bastaý aldy. Onyń aıasynda jalpy elimiz boıynsha 26,6 mln. sharshy metr turǵyn úı paıdalanýǵa berildi. Osynyń ishinde memlekettik qarjy esebinen 2 mln. sharshy metrden astam, al qurylystyń qalǵan kólemi jeke turǵyn úı qurylysy úlesinen nemese iri qurylys kompanııalrymen oryndaldy. 2014 jylǵa 6,9 mln. sharshy metr baspanyń qurylysyn josparlaǵan edik, biraq ta 7,5 mln. sharshy metr turǵyn úıdi salýǵa qaýqarly boldyq. Bıyl baǵdarlamaǵa sáıkes jospar 7,1 mln. sharshy metrdi qurap otyr. Aǵymdaǵy jylǵy segiz aıda 5,6 mln. sharshy metrin tapsyrdyq, ıaǵnı bul - jospardyń 79 paıyzy. Qalǵan 1,5 mln. sharshy metrin jyl sońyna deıin paıdalanýǵa berip úlgeremiz degen oıdamyn»,-dedi mınıstrdiń orynbasary.