«Qoljetimdi baspana-2020»: Jyljymaıtyn múlik qory páter satyp alýǵa ınternet arqyly ótinim qabyldaý jalǵasýda
«Zamanaýı ınteraktıvti tehnologııalardyń arqasynda Jyljymaıtyn múlik qory ótinimderdi bastapqy qabyldaý protsesin tolyq avtomattandyrdy. Innovatsııalyq veb-joba ótinish berýshiler kezeginiń jarııalylyǵy men ashyqtyǵyn qamtamasyz etedi. Internet arqyly ótinim qabyldaý júıesiniń arqasynda ýaqyttyń únemdeletini, naq ýaqyt oraıynda kezektiliktiń avtomatty túrde qalyptasatyny, adamnyń aralasý faktorynyń meılinshe azaıǵany - osynyń bári qoǵamda jaǵymdy pikirler týǵyzýda», - delingen baspasóz baıanynda.
Qazirgi ýaqytta Taraz qalasynda jáne Almaty qalamańyndaǵy turǵyn úı boıynsha ótinimder qabyldanyp jatyr. Atap aıtqanda, Tarazda qalanyń ortalyǵynda ornalasqan «Maıakovskıı kóshesi, 42-úıdegi 25 páterli eki turǵyn úı» kesheninen páter satyp alý usynylǵan. Bul rette bir sharshy metrdiń baǵasy 139 myń teńgeden bolyp, 2 jáne 3 bólmeli 35 páter satýǵa qoıyldy. Atap ótetin bir jaıt, ótinimderdi qabyldaýdyń alǵashqy kúnderi-aq eki bólmeli páterlerge berilgen ótinimder sany qolda bar páterler sanynan 3 ese asyp tústi. Sonymen qatar, satylymda úsh bólmeli páterler áli bar. www.fnsk.kz saıtynda Taraz qalasynda páter alýǵa ótinim qabyldaý 6 qazan saǵat 10:00-ge deıin jalǵasady.
Al Almaty qalasyndaǵy «Asyl Arman» turǵyn úı kesheninen satyp alý quqyǵymen jalǵa beriletin 1609 páterge 2400-den astam ótinim berilgen. Jalpy, ótinimder sany keıbir páter túrleri boıynsha páterler sanynan asyp otyr. Degenmen, satý arqyly ótkiziletin páterler áli bar. Bir sharshy metrdiń quny 180 myń teńge. Tikeleı satýǵa barlyǵy 91 páter qoıyldy. www.fnsk.kz saıtynda Almaty qalamańynda páter alýǵa ótinim qabyldaý 14 qazan saǵat 10:00-ge deıin jalǵasady.
Eske salaıyq, aldaǵy ýaqytta 12 qazannan bastap 27 qazandy qosa alǵanda, Aqtóbe qalasyndaǵy «ıÝnıs Sıtı» kesheninen páter alýǵa ótinimder qabyldanady. Atalǵan turǵyn úı kesheni qala qonaqtaryn áýejaıdan kele jatqan jolda qarsy alatyn alǵashqy turǵyn alaby. Ekonom-klastaǵy 8 jáne 7 qabatty úıler jańa «Avıator» aýdanynda ornalasqan. Páterlerdiń tikeleı satý kezindegi bekitilgen quny bir sharshy metr úshin 143 987,33 teńgeni quraıdy. Satylymǵa taza árlengen 103 páter shyǵarylady. Páterler muqııat josparlanǵan jáne qurylys naryǵyndaǵy osy zamanǵy úrdister eskerilip oryndalǵan.
Páter alýǵa arnalǵan ótinimder «Samuryq-Qazyna» jyljymaıtyn múlik qorynyń ishki erejelerine sáıkes osy qalalarda baspanasy joq nemese turǵyn úı jaǵdaıyn jaqsartqysy keletin, óziniń tólemge qabilettiligin rastaǵan adamdardan qabyldanady. Tikeleı satyp alý kezinde páterdi ekinshi deńgeıli bankterge, sonyń ishinde «Qazaqstan Turǵynúıqurylysjınaqbankine» kepilge qoıý arqyly qaryz qarajat esebinen alý múmkindigi qarastyrylǵan. Kredıtteý týraly tolyǵyraq aqparatty «Turǵynúıqurylysjınaqbanki» bólimshelerinen nemese 300 telefony arqyly alýǵa bolady (uıaly telefonnan soǵylǵan qońyraý tegin).
