«Qoljetimdi baspana-2020» baǵdarlamasyna jaýapty tulǵalardyń kesiri qarapaıym halyqqa tımeýi kerek - T. ıAkovleva
Búgin Parlament Májilisiniń jalpy otyrysynda Úkimet basshysynyń atyna saýal joldaǵan depýtat Tatıana ıAkovleva osy máseleni kóterdi.
Depýtattyń aıtýynsha, saýalǵa «Qoljetimdi baspana-2020» baǵdarlamasyna bólingen qarajattyń jekelegen óńirlerde ıgerilmeýine baılanysty ony birjaqty alyp qoıý týraly sheshimniń qabyldanýy bolyp otyr. Bul rette T. ıAkovleva 2013 jyly baǵdarlama aıasynda jalpy respýblıka boıynsha paıdalanýǵa 6,8 mln. sharshy metrdi quraıtyn baspana berilgenin, soǵan qaramastan, Mańǵystaý, Jambyl sekildi oblystarda jospardyń oryndalýy «nól» deńgeıinde turǵanyn aıtady.
«Baǵdarlamanyń «Jas otbasy» baǵyty boıynsha paıdalanýǵa baspananyń 70 paıyzy ǵana berilse, keıbir óńirler osy baǵyttaǵy jospardy múldem oryndamaǵan. Bundaı jaǵdaı tek bıyl ǵana qaıtalanyp otyrǵan joq. Degenmen, ıgerilmegen qarajattary alyp qoıylatyn óńirdiń halqy baǵdarlamanyń júzege asyrylýyn qamtamasyz etýge jaýapty tulǵalardyń áreketsizdiginen japa shekpeýi kerek. Sondyqtan da, óńir halqyna baspana muqtajdyǵyn sheshýdiń teńdeı múmkindigine qatysty quqyqtary saqtalýy kerek», - deıdi depýtat ıAkovleva.
