«Qoljetimdi baspana - 2020» baǵdarlamasyna azamattar qol jetkize almaı otyr - Májilis depýtaty
ASTANA. 4 qarasha. QazAqparat - «Qoljetimdi baspana - 2020» baǵdarlamasyna kóptegen azamattar qol jetkize almaı otyr.
Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Parlamenti Májilisiniń depýtaty Aıgúl Soleveva aıtty. «Qoljetimdi baspana -2020» baǵdarlamasy 9 baǵytta qolǵa alynǵanyn aıta kele: «Degenmen, is júzinde onyń birde-biri tabysy ortasha azamat páterge, kez kelgen elde árbir azamat qol jetkize alatyn sharshy metrge ıe bolý maqsatyna jetkizgen joq», - dedi A.Soloveva. Esterińizge sala keteıik, 11 qazandaǵy Úkimettiń keńeıtilgen otyrysynda Memleket basshysy «Qoljetimdi baspana-2020» baǵdarlamasyn júzege asyrý kóp renish týdyryp otyrǵanyna toqtalyp ótken edi. Tólem qabiletiniń kemdigine baılanysty oǵan kóptegen otbasylar qatysa almaýda. Sonymen qatar, Qazaqstan Prezıdenti «Turǵynúıqurylysjınaqbankiniń» basshylary men olardyń týystarynyń Baǵdarlama aıasynda jeńildik qarastyrylǵan baǵamen páter alý faktilerine de nazar aýdarǵan bolatyn.
