«Qoljetimdi baspana - 2020» baǵdarlamasyn iske asyrý jalǵasyp jatyr
ASTANA. QazAqparat - «Turǵyn úı qurylys jınaq banki» júıesi arqyly qoljetimdi baspana alý tetikteriniń barlyq múmkindigi tolyqtaı saqtaldy, dep habarlady atalǵan banktiń baspasóz qyzmetinen.
Bank eki baǵyt - «Jas otbasylarǵa arnalǵan baspana» jáne «Halyqtyń barlyq sanatyna arnalǵan baspana» boıynsha «Qoljetimdi baspana - 2020» baǵdarlamasyn iske asyrýdy jalǵastyrady.
«Qoljetimdi baspana - 2020» baǵdarlamasy aıasynda kózdelgen qurylys kólemderi ózgerissiz qalady. Sonymen, 2015 jyly bank jelisi boıynsha «Barlyq halyq sanatyna arnalǵan baspana» baǵyty boıynsha 326 myń sharshy metr úı paıdalanýǵa berý josparlanǵan. «Jas otbasylarǵa arnalǵan baspana» baǵyty boıynsha - 213 myń sharshy metr berilmek. Elde 2020 jylǵa deıin barlyǵy 2 mıllıon 806 sharshy metr turǵyn úı salynady. «Turǵyn úı qurylys jınaq bankinde» osy jyldyń 1 qańtarynan bastap, «Qoljetimdi baspana - 2020» baǵdarlamasy derbes jumys istemeıtinin aıtty. Bul baǵdarlamamen birge taǵy tórt memlekettik baǵdarlama quramyna kirgizildi. Ony Úkimet 2014 jylǵy 28 maýsymdaǵy qaýlysymen bekitti. Jańa qujat óńirler men aglomeratsııany keshendi damytýǵa arnalǵan.
