«Qoljetimdi baspana-2020» baǵdarlamasy boıynsha Astanada turǵyn úı satyp alýshylardyń pýly jasaqtalýda
ASTANA. 7 aqpan. QazAqparat - «Qazaqstannyń Turǵyn úı qurylys jınaq banki» AQ «Qoljetimdi baspana-2020» baǵdarlamasynyń aıasynda Astanada salynyp jatqan úılerden «taza sylaqty» páter satyp alýshylar pýlyna qatysqysy keletinderden ótinishter qabyldaýda,
dep habarlady QR Prezıdenti janyndaǵy Ortalyq kommýnıkatsııalar qyzmeti.
Ótinish 2013 jyldyń 18 aqpany men 18 sáýiri aralyǵynda qabyldanady. Atap aıtqanda, Aınakól kóshesiniń boıynda ornalasqan kóppáterli turǵyn úı kesheninen baspana satyp alýǵa ótinishter qabyldanady. Bul keshende 1, 2, 3 jáne 4 bólmeli 716 páter bar. Aýdandary 35,64 sharshymetr men 97,4 sharshymetrdiń aralyǵyn qamtıtyn páterlerdiń baǵasy - 142 500 teńge/sharshy metr.
Bank Seıfýllın jáne Beısekov kósheleriniń qıylysynda ornalasqan kóppáterli turǵyn úı kesheninen páter satyp alýshylardyń pýlyn da jasaqtaýda. Bul keshende 1,2,3 jáne 4 bólmeli 198 páter bar, aýdandary 35,57 sharshymetr men 87,83 sharshymetrdiń aralyǵynda, baǵasy - 142 500 teńge/sharshy metr.
Sondaı-aq, Ǵ.Músirepov kóshesi, Sh.Qudaıberdi dańǵyly jáne Ǵ.Mustafın kóshesi oramynda ornalasqan kóppáterli turǵyn úıden páterler satyp alýǵa ótinishter qabyldanady. Onda 35,57 sharshymetr men 87,35 sharshymetrdiń aralyǵyndaǵy 99 páter bar, baǵasy -142 500 teńge/sharshy metr.
Atalmysh úsh turǵyn úı keshenderiniń qurylystaryn 2013 jyldyń qarasha aıynda aıaqtaý josparlanýda.
«Nysandardyń qurylystary boıynsha tolyqqandy málimet alǵylaryńyz kelse jáne ótinish bergilerińiz kelse, myna meken-jaıǵa habarlasyńyzdar: Astana, Syǵanaq kóshesi, 29, VP-3, «Qazaqstannyń Turǵyn úı qurylysy jınaq banki» AQ-nyń ortalyq fılıaly». - delingen baspasóz qyzmetiniń habarlamasynda.
