«Qoljetimdi ákimdik» qandaı joba

ASTANA. QazAqparat - 50 jergilikti atqarýshy organda «Qoljetimdi ákimdik» jobasy iske qosyldy. Bul týraly búgin Kásipkerlerdiń sybaılas jemqorlyqqa qarsy is-qımyly jónindegi ІІІ respýblıkalyq forýmda QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaev aıtty, dep habarlaıdy QazAqparat tilshisi.

«Biz 2020 jyldyń sońyna qaraı memlekettik qyzmetterdiń 90 paıyzy elektrondy túrde, al qalǵan 10 paıyzy «bir tereze» arqyly kórsetilýin kózdep otyrmyz. Birqatar oblys ákimdiginde turmystyq jemqorlyqty tómendetýge múmkindik beretin jaıly front-keńseler quryldy»,- dedi agenttik basshysy.

Onyń aıtýynsha, 50 jergilikti atqarýshy organda «Qoljetimdi ákimdik» jobasy iske qosyldy. Onda arnaıy jabdyqtalǵan operatsııalyq zaldan sáýlet, qala qurylysy, jer qatynastary, aýyl sharýashylyǵy syndy salalardaǵy 25 qyzmet túrin alýǵa múmkindik bar.

«Qyzmettik alańdar da ońtaılandyrylyp jatyr. Oýpen-speıster engizilýde. Іshki bıznes-protsesster túbegeıli qaıta qarastyrylýda. Klıentke baǵdarlanǵan ádis quqyq qorǵaý organdary men sot salasynda da taralyp jatyr. Shaǵyn jáne orta bıznestiń damýyna jıi kedergi bolatyn turmystyq jemqorlyqty joıý jáne bıýrokratııany tómendetýge baǵyttalǵan birqatar bastama «Jemqorlyqtan ada óńirler» jobasy aıasynda qarqyndy júzege asyrylyp jatyr. Kóptegen basshynyń ózgeristerge shynaıy umtylysyn kórip otyrmyz. Olar kreatıvti ári bastamashyl, ınnovatsııany tabysty engizip jatyr jáne jaýapkershilik alýdan qoryqpaıdy. Mundaı basqarýshylar kóp bolǵan saıyn azamattardyń qajettiligine baǵdarlanǵan ınnovatsııalyq memlekettik apparat qalyptastyrý maqsatyna tezirek jetetin bolamyz», - dedi Alık Shpekbaev.