Qoljazbalar murasy tsıfrlyq formatta qoljetimdi bola bastady
ASTANA. KAZINFORM — Ulttyq kitap kúnine oraı Qoljazbalar jáne sırek kitaptar ulttyq ortalyǵynda «Sheteldik qorlardaǵy qundy jazba muralar» katalog-albomynyń II tomynyń tanystyrylymy ótti. Bul týraly Mádenıet jáne aqparat mınıstrligi málim etti.
— Jınaqta qazaq, arab, parsy, shaǵataı jáne túrki tilderindegi 72 qoljazba men sırek basylymnyń bıblıografııalyq sıpattamasy berilgen. Materıaldar ǵylymı arheografııalyq ekspedıtsııalar men sheteldik qorlarda júrgizilgen zertteý jumystarynyń nátıjesinde jınaqtalǵan, — dep habarlady vedomstvonyń baspasóz qyzmeti.
Buǵan qosa «Uly dalanyń jazba muralary» atty turaqty ekspozıtsııanyń vırtýal nusqasy tanystyryldy. Ekspozıtsııa shamamen 50-ge jýyq kóshirmeni qamtyp, Túrik qaǵanaty, Qarahan memleketi, Altyn Orda jáne Qazaq handyǵy kezeńderine arnalǵan tórt bólimnen turady.
Joba zamanaýı tehnologııalar negizinde ázirlengen. Platformada QR-kodtar arqyly sırek qoljazbalar men basylymdar týraly málimet alyp, tarıhı muramen tanysýǵa bolady.
Aıta keteıik, búgin elordada ádebıet pen baspa isiniń úzdikteri marapattaldy.