Qolynda kishkentaı uly bar polıtseı eki tonaýshyny atyp óltirdi

ASTANA. QazAqparat - Brazılııanyń Kampý-Lımpý-Paýlıst qalasyndaǵy dárihanalardyń birinde qolynda kishkentaı uly bar polıtsııa qyzmetkeri eki tonaýshyny atyp óltirdi. 

Bul jaıly Folha de Sao Paulo habarlaıdy.

Basylymnyń atap ótýinshe, tonaý maqsatymen  eki er adam basa-kókteı kirgen kezde jergilikti polıtsııa qyzmetiniń serjanty áıelimen jáne balasymen dárihanada saýda jasap turǵan.

Qolynda kóterip turǵan uly bar quqyq qorǵaýshy dereý qarýyn alyp, tonaýshylardy atqan. Odan keıin vıdeoda kórsetilgendeı, ol balasyn áıeline berýge júgiredi. Qylmyskerler bolsa, oqıǵa ornynda kóz jumdy.

Tonaý jáne adam óltirýge áreket etý boıynsha qylmystyq is qozǵaldy, sondyqtan polıtsııa qyzmetkeriniń áreketi ózin-ózi qorǵaý retinde baǵalanýy múmkin.