Qolynan is keletin, memleketke paıdasy kóp laýazym ıelerin aýystyrýdyń qajeti shamaly - Elbasy
ASTANA. 15 sáýir. QazAqparat /Qanat Mámetqazyuly/ - Qolynan is keletin, memleketke paıdasy kóp laýazym ıelerin aýystyrýdyń qajeti shamaly. Búgin QR Parlamenti Cenatynyń jalpy otyrysynda birqatar joǵary qyzmetterge kandıdattardy taǵaıyndaýdan keıin sóılegen sózinde Memleket basshysy Nursultan Nazarbaev osylaı dedi.
«Osy aptanyń ishinde men barlyq laýazymdy memlekettik organdarda tıisti taǵaıyndaýlar jasadym. Onyń ishinde jańalary da, eskileri de bar. Alaıda Úkimet quramynyń deni óz ornynda qaldy. Buǵan sebep - jumys istep júrgen adamdy, qolynan is keletin adamdy, memleketke tabys ákeletin adamdardy aýystyrýdyń qajeti shamaly dep oılaımyn. Keshegi qabyldanǵan baǵdarlamadan osy Úkimet bir komanda bolyp shyqty, berilgen tapsyrmalardy oryndady. Endigi kúni buny ary-qaraı oryndaý kerek. Sondyqtan da, aldaǵy ýaqytta qolǵa alynǵan mindetterdi oryndaýǵa tıispiz», - dedi Elbasy.
