Qolyna bala kótergen er adamdy Qostanaı oblysynda kólik qaqty

QOSTANAI. QazAqparat – Rýdnyıda bala kóterip, joldan ótip bara jatqan er adamdy kólik qaǵyp ketti, dep habarlaıdy QazAqparat tilshisi.

«Rýdnyı qalasy, Lenın kóshesi, №60 úıdiń janynda 18 jastaǵy júrgizýshi R eseıde tirkelgen «VAZ-2112» avtokóligin basqaryp kele jatyp, rettelmeıtin jaıaý júrginshiler jolaǵynda bala kótergen jaıaý adamdy qaǵyp ketti. Oqıǵa saldarynan jaıaý júrginshi men bala túrli dene jaraqatyn aldy. Olar Rýdnyı qalalyq aýrýhanasyna jetkizildi», - dep habarlady oblystyq polıtsııa departamentinen.

Júrgizýshige qatysty QR Qylmystyq kodeksiniń 345-babynyń 1-bóligi («Avtomobıl, trolleıbýs, tramvaı nemese ózge de mehanıkalyq kólik quralyn basqarǵan adamnyń abaısyzda adam densaýlyǵyna ortasha aýyrlyqtaǵy zııan keltirýge ákep soqqan jol júrý nemese kólik quraldaryn paıdalaný qaǵıdalaryn buzýy») boıynsha sotqa deıingi is qozǵaldy.