Qoly joq sýretshi Qarqaraly mýzeıine Qazybek bıdiń portretin syılady

QARAǴANDY. QazAqparat - Aıaǵymen jáne aýzymen sýret salatyn belgili qylqalam sheberi  Káripbek Kúıikov Qazybek bıdiń týǵanyna 350 jyl tolýyna oraı Qaraǵandy oblysy Qarqaraly aýdandyq mýzeıine bıdiń portretin syıǵa tartty, dep habarlaıdy «QazAqparat» HAA tilshisi.

Egindibulaq aýylyndaǵy baspasóz konferentsııasynda «Qaz daýysty Qazybek bı» kartınasy Qarqaraly tarıhı-óńirlik murajaıyna saltanatty túrde tabystaldy.

«Egindibulaq - meniń Otanym. Men osy jerde týyp-óstim», - dedi Káripbek Kúıikov.

Qaraǵandy oblysy mádenıet, muraǵat jáne qujattamalar bóliminiń basshysy Erkebulan Aǵymbaev sýretshini patrıottyqtyń, eńbekqorlyq pen otansúıgishtiktiń jarqyn mysaly retinde atap ótti.

«Jarylys» dep atalatyn sýretshi kartınalarynyń birin Memleket basshysy Nursultan Nazarbaev ıAdrolyq qaýipsizdik jónindegi sammıt kezinde AQSh prezıdenti Barak Obamaǵa syıǵa tartqan bolatyn.

«Káripbek Kúıikovtyń shyǵarmashylyǵynda el qundylyqtary, jasampaz bolashaqqa degen talpynys beınelengen. Osy qundylyqtar úshin óz kezeginde halqy úshin Qazybek bı Keldibekuly da aıanbaı eńbek etken», - dedi Erkebulan Aǵymbaev.

Mádenıet basqarmasynyń basshysy bul kartınanyń Qarqaraly aýdandyq tarıhı-óńirlik murajaıyndaǵy eksponattar arasynda oıyp turyp oryn alatyndyǵyn aıtty.