Qoly joq adam júrgizýshi kýáligin aldy
ASTANA. QazAqparat - Latvııadan 26 jastaǵy múgedek Gatıs Tsaýnıtıs kólikti aıaǵymen sheber júrgizedi.
Zańdy negizde kólik júrgizý úshin ony ata-analary týǵan Vetsbebrı qystaǵynan 47 shaqyrymda ornalasqan avtomektepke aparýǵa týra keldi. Gatıs emtıhandy eshkimniń kómegine júginbeı, ózi tapsyrdy. «Mende 14 saǵattyq mınımým boldy, - dedi Tsaýnıtıs. - Emtıhan qabyldaýshy kompıýterdegi suraqtarǵa jaýap berýge yńǵaıly bolý úshin «tintýirdi» edenge qoıaıyn ba dep surady. Joq, dedim, maǵan esh qıyndyq týdyrmaıdy». Emtıhandy da, kompıýterlik testi de ol birden tapsyrdy.
Avtomatty basqarylatyn kólikti júrgizý kezinde qoly joq júrgizýshiniń bir aıaǵy jumys isteıdi, al ekinshi aıaǵymen róldi aınaldyryp, burylý belgisin qosady. Onyń kóligine mingen jolaýshylar ózderin emin-erkin sezingenin aıtty. Ony oqýǵa jibere me, joq pa, ony latvııalyq avtomekteptegi otbasylyq dáriger sheshedi. Eger ol ruqsat berse, avtomektep dırektsııasy qarsylyq bildirmeıdi, dep jazady sheteldik BAQ.
