Kolýmbtyń urlanǵan haty Italııaǵa qaıtaryldy
ASTANA. QazAqparat - Amerıka Italııaǵa Hrıstofor Kolýmbtyń hatyn qaıtardy, saıahatshy onda Soltústik jáne Ońtústik Amerıkada ashqan jańalyqtaryn sıpattaǵan. Hatty XX ǵasyrdyń ortasynda Florentsııa kitaphanasynan urlanǵan. Bul jaıly The Telegraph basylymy habarlady.
1493 jyly Amerıka jaǵalaýyna júzýden oralǵan kezde Kolýmb ekspedıtsııany qarjylandyrǵan Ispanııa koroli men hanshaıymyna hat jazdy. Hatta ol Espanola men Kýba túbekterindegi janýarlar álemi, ósimdikter álemi, sol jerdiń halqynan alǵan áserimen bólisken. Qazirgi sátte hattyń 30-ǵa jýyq kóshirmesi saqtalǵan.
Italııaǵa qaıtarylǵan hat Florentsııadaǵy Rıkardıanskıı kitaphanasynda saqtalyp kelgen. Kitaphana dırektorynyń aıtýynsha, 1950-51 jyldary jasalǵan hatty bireýler urlap, onyń ornyna jasandy kóshirmeni almastyryp ketken.
1990 jyly urlanǵan hatty Shveıtsarııadaǵy sırek kitaptardy jınaýshy satyp alady, 1992 jyly qujat aýktsıonda satylyp, 2004 jyly ıesi ony Vashıngtondaǵy Kongress kitaphanasyna syılaǵan.
2012 jyly AQSh Ádilet departamentine Kolýmb hatynyń urlanǵany týraly qupııa málimet kelip tústi. Sarapshylar hattaǵy Rıkardıanskıı kitaphanasynyń mórin joıý úshin ury hımııalyq reagentti paıdalanǵanyn anyqtady. Hatty AQSh-qa kimniń ákelgeni belgisiz. Qazir osy oqıǵa boıynsha tergeý júrgizilip jatyr.
