Kolýmbııalyq velosıpedshi qyzdardyń fotosy janjal týǵyzdy
ASTANA. QazAqparat - Halyqaralyq velosıpedshiler odaǵynyń prezıdenti Braın Kýkson Kolýmbııa velosıpedshi qyzdarynyń sporttyq kıimine keıistik bildirip, ony «jatqylyqsyz» dep atady.
Bı-Bı-Sı-diń jazýynsha, Kolýmbııanyń velosıped sportynan qyzdar komandasynyń fotosýreti búkil álemde ártúrli pikir týǵyzdy - bireýler keıistik bildirse, endi bireýlerge qyzyqty bolyp kórindi. Buǵan kolýmbııalyqtardyń kostıýminiń denesimen tústes materıaldan tigilýi sebep boldy, sondyqtan fotosýret olardyń belinen tizesine deıin múldem jalańash júrgendeı áser qaldyrady.
Kolýmbııalyq velosıpedshiler lıgasy materıal altyn tústi jippen tigilgenin, onyń sýretten jóndi kórinbeı turǵanyn aıtyp, aqtalýda. Sondaı-aq kolýmbııalyqtar álem jurtshylyǵy olardyń sportshylaryna endi ǵana nazar aýdara bastaǵandaryna tańǵalady, óıtkeni olar bul kıimdi bir jylǵa jýyq ýaqyt boıy kıip júrgen kórinedi.
.
