Kolýmbııalyq partızandar temir jolǵa mına qoıyp, jaryp jiberdi
ASTANA. 14 qazan. QazAqparat - «Kolýmbııanyń tóńkeristik qarýly kúshteri» partızandary temir jolda qaskúnemdik áreket jasady. Sonyń saldarynan kómir tıelgen júk poıyzynyń quramasy relsten shyǵyp ketti. Buǵan qosa poıyzdyń alǵashqy 43 vagony búlindi, dep habarlady sheteldik BAQ.
Sondaı-aq Cerrejon kompanııasynyń kómir kenishi men Pýerto-Bolıvar aılaǵyn jalǵastyratyn temir joldyń 93-shi shaqyrymy mına jarylysynan búlingen. Jarylystan zardap shekkender joq.
«Kolýmbııanyń tóńkeristik qarýly kúshteri» 1964 jyly kolýmbııalyq kommýnıstik partııanyń jaýyngerlik qanaty retinde qurylǵan bolatyn. Olardyń sany búginde shamamen 8 myń adamdy quraıdy. 50 jylǵa sozylǵan partızandyq soǵys barysynda 600 myńnan astam adam qaza tapty, shamamen 3,7 mln. adam úılerin tastap bas saýǵalap ketse, 15 myńy iz-tússiz joǵalǵandar sanatynda.
