Kolýmbııalyq ekstremıster 13 jylǵa jýyq ýaqyt tutqynda bolǵan kepilderdi bostandyqqa shyǵardy
ASTANA. 4 sáýir. QazAqparat - Kolýmbııanyń revolıýtsııalyq qarýly kúshteriniń ekstremısteri keshe 13 jylǵa jýyq ýaqyt tutqynda bolǵan áskerı qyzmetshiler men polıtseılerdiń ishinen kepilge alynǵan on adamdy gýmanıtarlyq mıssııa ókilderine erikti túrde tapsyrdy,
dep habarlady ITAR-TASS.
Halyqaralyq Qyzyl Krest Komıtetiniń Kolýmbııadaǵy ókili Hordı Raıhtyń habarlaýynsha, bul Kolýmbııa revolıýtsııalyq qarýly kúshterinde tutqynda bolǵan júzge tarta quqyq qorǵaý qyzmetkerleriniń bostandyqqa shyǵarylǵan sońǵy kepildegi adamdary, dep málim etti.
«Tórt sarbaz ben alty polıtseıdiń (olardyń ulty kórsetilmegen) bosatylǵany týraly aqparat qýattaldy», dep habarlady Halyqaralyq Qyzyl Krest Komıtetiniń Kolýmbııadaǵy ókildiginiń baspasóz hatshysy Marııa Rıvera, olar brazılııalyq tikushaqpen Bogotanyń shyǵysyndaǵy áýejaıǵa jetkiziledi.
Gýmanıtarlyq operatsııa eldiń ortalyq bóligindegi Meta jáne Gýavıre departamentteriniń shekarasyndaǵy joly qıyn ýchaskede ótti, sodyrlar tutqyndardy mejeli jerge qaldyryp, ókimet oryndaryna olardyń turǵan jerin habarlady. Brazılııanyń tasymal tikushaǵy bosatylǵandardy Vılıavısensıo qalasyndaǵy áskerı bazaǵa jetkizdi, «Biz operatsııanyń oıdaǵydaı ótkenine qýanyshtymyz, endi burynǵy tutqyndar birneshe jyl boıy zaryǵa kútip otyrǵan týystarymen qaýyshady», - dedi Raıh.
Bosatylǵan áskerı qyzmetshiler men poltseılerdi 1998-1999 jyldardaǵy úkimettik kúshtermen qaqtyǵys barysynda ekstremıster qolǵa túsirgen bolatyn. Kolýmbııa revolıýtsııalyq qarýly kúshteri úkimetke olardy túrmelerde jatqan sodyrlarǵa aıyrbastaýǵa birneshe ret usynys jasady, alaıda ókimet oryndary mundaı múmkindikti qaraýdan bas tartty.
Jurtshylyq tarapynyń qysymy nátıjesinde solshyl-radıkaldyq toptar sońǵy jyldary ókimet oryndaryna áskerı qyzmetshiler men polıtseıler arasynan tutqyndardy birneshe ret ókimet oryndaryna berdi, al 2011 jyldyń sońynda úkimetpen beıbit dıalogqa ázir ekendikteriniń belgisi retinde sońǵy on tutqyndy bosatý nıetin jarııalady jáne budan bylaı saıası kúres tásili retinde olardy kepilge alýdan bas tartatynyn málimdedi. Degenmen, ártúrli úkimettik emes uıymdardyń málimetterine qaraǵanda, ekstremısterdiń qolynda 100-den 400-ge deıin kepilge alynǵan azamattyq tulǵalar qalyp otyr, ekstremıstik qarýly kúshter ózderin qarjylandyrý maqsatynda olardy satýǵa qoldanbaq.
Kolýmbııa prezıdenti Hýan Manýel Santos ekstremıster dıalogty bastaý úshin zorlyq-zombylyqtan tolyq bas tartýy tıis ekenin áldeneshe ret málimdegen bolatyn.
