Kolýmbııalyq azamat Jer betindegi eń kishkentaı adam retinde Gınnestiń Rekordtar kitabyna endi
ASTANA. Qyrkúıektiń 7-si. QazAqparat - Kolýmbııalyq Edvard Nıno Ernandes Jer betindegi eń kishkentaı adam retinde Gınnestiń Rekordtar kitabyna enip otyr. Onyń boıy 70 sm shamasynda, al salmaǵy nebári - 10 keli ǵana.
Nıno - otbasynyń eń úlken balasy. Ernandestiń anasynyń aıtýynsha, onyń boıy 2 jastan keıin óspeı qalǵan. Dárigerler oǵan dıagnoz qoıa almaǵan. Dúnıege kelgeninde boıy - 38 sm, salmaǵy nebári 1,5 keli bolǵan Nınony 3 jasqa deıin Kolýmbııa Ulttyq ýnıversıtetiniń ǵalymdary zerttegen. Biraq eshqandaı aýytqýshylyq taba almaǵan.
«Eshkimge uqsamaıtyndyǵyma baqyttymyn», - dep málim etti Nıno «Assoshıeıted Press» agenttigine bergen suhbatynda.
Búginde 24 jasqa kelgen jigittiń, boıy bolmasa, aınalasyndaǵylardan eshqandaı aıyrmasy joq. Ol bılegendi jaqsy kóredi, « Mersedes-Bents» avtokóligin alǵysy keledi, dúnıejúzin aralaýdy jáne Djekı Chanmen, Sılvestr Stallonemen jáne Kolýmbııanyń eks-prezıdenti Alvaro Ýrıbemen tanysýdy arman etedi. Ernandes óte kópshil. Ol sondaı-aq, domıno jáne doıby oınaǵandy jaqsy kóredi.
Biraq ta, onyń anasynyń aıtýynsha, úıde únemi jalǵyz otyrý Nınony qatty ýaıymdatady.
