Kolýmbııalyq áskerıler 4 tonna kokaın tıelgen kemeni ustady

ASTANA. KAZINFORM — Kolýmbııa mańyndaǵy teńizde úlken kólemde kokaın tıelgen keme ustaldy, dep habarlaıdy Report. 

Bul týraly Kolýmbııa prezıdenti Gýstavo Petro áleýmettik jelide habarlady.

— Olar osy jerden 10 mıllıon doza kokaındi tutynýshy elderge qaıta baǵyttaýǵa tyrysty, — dep jazdy ol. 

Petronyń aıtýynsha, Kartahena mańyndaǵy teńiz jáne áýe kúshteriniń operatsııasy nátıjesinde 4 tonna kokaın tárkilengen.

Aıta keteıik, BUU-nyń Esirtki jáne qylmys jónindegi basqarmasynyń (UNODC) málimetinshe, Kolýmbııa álemdegi eń iri kokaın óndirýshi el. Munda 2023 jyly esirtkiniń negizgi qospasy koka japyraqtaryn ósirý rekordtyq deńgeıge jetken.

Eske salaıyq, Donald Tramp byltyr qazan aıynda Kolýmbııaǵa qarjylaı kómektiń toqtaǵanyn habarlady.

Al qarasha aıynda Kolýmbııa AQSh-pen yntymaqtastyǵyn toqtatty. Kolýmbııa prezıdenti Gýstavo Petro óz eliniń qaýipsizdik kúshterine AQSh-pen barlaý derekterimen almasýdy toqtatýǵa buıryq berdi.