Kolýmbııadaǵy ushaq janarmaıy taýsylǵan soń qulaǵan
ASTANA. QazAqparat - Dúısenbi kúni Kolýmbııada apatqa ushyraǵan BAE Avro ushaǵy janarmaıy taýsylýy sebepti qulaǵan, dep jazady Bı-bı-sı.
Jergilikti BAQ-ta ushqysh pen kolýmbııalyq áýe dıspetcheriniń dıalogy jarııalandy.
Jazbada ushqysh elektr qurylǵylarynyń isten shyǵyp, janarmaıdyń taýsylýyna baılanysty birneshe ret qonýǵa ruqsat suraıdy.
Áýe dıspetcheri qonýǵa ruqsat beredi. Jazba sońynda ushqysh ushaqtyń 2,7 shaqyrym bıiktikte ekenin habarlaǵan.
Dúısenbi kúni ushaq Kolýmbııanyń soltústigindegi Medelın qalasy mańyndaǵy taýly ólkege qulady. Áýejaıdyń resmı habarlamasynda ekıpajdyń qozǵaltqysh aqaýy týraly habarlaǵany aıtylǵan edi. Sonymen birge, kolýmbııalyq BAQ janarmaıdyń azdyǵy týraly habarlady.
Frans presstiń Kolýmbııa qarýly kúshterindegi aqparat kózi ushaqta eshqandaı jarylystyń bolmaǵanyn, janarmaıdyń taýsylǵanyn topshylap otyrǵanyn jetkizgen. Alaıda, jaıdan-jaı otynnyń bolmaýy da kúdik týdyrady.
