Kolýmbııadaǵy ýnıversıtette bolǵan jarylystan bes adam zardap shekti
NUR-SULTAN. QazAqparat - Kolýmbııa astanasyndaǵy ýnıversıtetterdiń birinde bolǵan jarylys saldarynan kem degende bes adam zardap shekti. Bul týraly El Tiempo basylymy jazdy, dep habarlaıdy QazAqparat.
Gazettiń habarlaýynsha, oqys oqıǵa jergilikti ýaqytpen keshe tús qaıta Bogotanyń soltústiginde ornalasqan pedagogıkalyq ýnıversıtette bolǵan. Ýnıversıtet aldynda ótken narazylyq aktsııasy kezinde ǵımarattyń ishinde jarylys bolǵan. Oqıǵa saldarynan bes adam aýyr jaralandy. Olardyń barlyǵy aýrýhanaǵa jetkizilgen.
Qala bıligi jáne ýnıversıtet basshylyǵy oqıǵany tekserýge kiristi. Qolda bar derekterge qaraǵanda, ǵımaratta qoldan jasalǵan jarylǵysh zat qoparylǵan.
