Kolýmbııadaǵy kóshkin: qaza tapqandar sany 17 adamǵa jetti
GAVANA. QazAqparat – Kolýmbııanyń ońtústik-batysyndaǵy Malıama mýnıtsıpalıtetiniń aýdanynda kóshkin saldarynan qaza tapqandardyń sany 17-ge jetti. Bul týraly beısenbide jergilikti Apat táýekelderin basqarý jónindegi jergilikti ulttyq ortalyq málim etti, dep habarlaıdy QazAqparat.
«Jer qabattarynyń qozǵalysy 17 adamnyń ómirin qıdy, segizi jaraqat aldy, olardyń jeteýi aýrýhanalardan shyǵaryldy. Habar-osharsyz ketkender týraly eshqandaı habarlama túsken joq. Eki ǵımarat qırap, taǵy úsheýi qulaý aldynda tur», - delingen vedomstvonyń Twitter-degi habarlamasynda.
Bılik oqıǵa bolǵan aımaqqa kómek jetkizýdi qamtamasyz etedi.
