Kolýmbııadaǵy apat: jer astynda qalyp qoıǵan 11 kenshiniń denesi shyǵaryldy
BOGOTA. QazAqparat – Kolýmbııalyq qutqarýshylar eldiń ortalyq bóliginde ornalasqan altyn óndiretin shahtadan úıindi astynan 11 kenshiniń denesin shyǵaryp aldy. Bul týraly jeksenbi kúni Ulttyq taý-ken óndirý agenttigi málimdedi, dep habarlaıdy QazAqparat.
«Kaldas departamenti Neıra mýnıtsıpalıtetinde ornalasqan shahtada jer astynda qalyp qoıǵan 11 kenshiniń ólimi biz úshin úlken qaıǵy», - delingen vedomstvonyń Twitter -de jarııalanǵan habarlamasynda.
Agenttik basshysy Hýan Mıgel Dýran óz Twitter -inde qaza tapqandardyń otbasyna kóńil aıtty.
Shahtadaǵy apat 26 naýryz kúni boldy. Onyń sebebi – qar kóshkininiń júrýi.
