Kolýmbııadaǵy jer silkinisinen keıin shamamen 400 adamnyń taǵdyry belgisiz
ASTANA. KAZINFORM – Kolýmbııada 10 tamyzda bolǵan jer silkinisiniń saldary týraly derekter jańartyldy. Sońǵy aqparat boıynsha, apat saldarynan 281 adam qaza boldy, dep habarlaıdy ABC News.
Kolýmbııa prezıdenti Abelardo de la Esprıelıanyń beısenbi kúni habarlaýynsha, jer silkinisi saldarynan 3971 adam jaraqat alǵan, al 379 adam habar-osharsyz ketken.
Zalaldy sońǵy baǵalaý boıynsha, 12 myńnan astam úı qıraǵan jáne 74 myńnan astam turǵyn ǵımarat zaqymdalǵan.
- Saldary óte úlken jáne úkimetten bir jaǵynan úılerdi qalpyna keltirý, zardap shekkenderge qoldaý kórsetý jáne búginde zardap shegip jatqan kóptegen kolýmbııalyqtarǵa kómek kórsetý úshin osy aýdandarǵa qajetti ınvestıtsııalardy salý úshin úlken tabandylyq pen saıası erik-jigerdi talap etedi, - dedi de la Esprıelıa.
Eske salsaq, Kolýmbııa bıligi 10 tamyzda bolǵan magnıtýdasy 7,4 jer silkinisinen qaza tapqandardy aza tutý maqsatynda elde úsh kúndik ulttyq aza tutý jarııalady. Tıisti jarlyqqa prezıdent Abelardo de la Esprıelıa qol qoıdy.
Buǵan deıin Kolýmbııadaǵy joıqyn jer silkinisinen qaza tapqandar sany 250 adamnan asqany habarlanǵan.
