Kolýmbııadaǵy ushaq apatynan qaza tapqandar sany 68 adamǵa jetti
ASTANA. KAZINFORM — Dúısenbi kúni Kolýmbııanyń ońtústigindegi Pýtýmaıo aımaǵynda bolǵan áskerı ushaq apatynan qaza tapqandar sany 68 adamǵa deıin ósti. Bul týraly seısenbi kúni Pýerto-Legısamo qalasynyń meri Lýıs Emılıo Býstos habarlady, dep jazady Sınhýa.
Onyń aıtýynsha, bortynda 128 adam bolǵan Kolýmbııanyń Áýe-ǵaryshtyq kúshterine tıesili C-130 Hercules áskerı-transport ushaǵy Pýerto-Legısamodan Pýerto-Asıske ushyp shyqqannan keıin kóp uzamaı qulaǵan.
Merdiń aıtýynsha, jergilikti turǵyndar birneshe adamdy qutqaryp úlgergen, sonyń arqasynda aman qalǵandar sany artqan.
El prezıdenti Gýstavo Petro ushaqtyń 40 jyldan astam ýaqyt paıdalanylǵanyn jáne ony AQSh-tan burynǵy prezıdent Ivan Dýke (2018–2022 jyldary qyzmet atqarǵan) kezinde alǵanyn málimdedi.
Qazirgi ýaqytta apattyń sebepteri anyqtalyp jatyr, dep habarlady bılik ókilderi.
Budan birer kún buryn ushaq apatynan qaza bolǵandar sany 66-ǵa, al jaraqat alǵandar sany 57-ge jýyqtaǵanyn jazǵan edik.
