Kolýmbııadaǵy kóshkin saldarynan mert bolǵandar sany 22 adamǵa jetti
ASTANA. KAZINFORM — 24 maýsymda Kolýmbııanyń Medelın qalasynda qatty jaýyn-shashynnan keıin bolǵan kóshkin saldarynan qaza tapqandar sany 22 adamǵa jetti, dep jazady Anadoly.
Taǵy 8 adam iz-túzsiz joǵalǵandar qatarynda.
Antokııa departamenti gýbernatory ákimshiliginiń málimetinshe, jańbyrdan keıin kóshkin júrgen Belo men Altos-de-Orıente aýdandarynan jańa máıitter tabylǵan.
Málimdemede qutqarý jumystary 390-nan astam mamannyń qatysýymen jalǵasyp jatqany atap ótilgen. Qutqarýshylar úıindi astynda qalǵandardy shyǵarý úshin bar kúshin salyp jatyr.
Sondaı-aq, bul aýdandaǵy kóptegen úı opyrylý qaýpi joǵary betkeılerde salynǵandyqtan, asa qaýipti aımaqta ornalasqany aıtylǵan.
Budan buryn habarlanǵandaı, qatty jáne tolassyz jaýǵan jańbyr men ózenderdiń joǵarǵy aǵysynan kelgen sý kóleminiń artýy saldarynan Qytaıdyń ońtústik-batysyndaǵy Gýıchjoý provıntsııasynyń eki ýezinde kúshti sý tasqyny boldy. Tabıǵı apat saldarynan alty adam qaza tapty.