Kolýmbııada joǵalǵan ushaqtyń apatqa ushyraǵany belgili boldy

ASTANA. KAZINFORM — Kolýmbııada joǵalyp ketken Satena Airlines ushaǵynyń apatqa ushyraǵany anyqtaldy. Borttaǵy 15 adam kóz jumdy, dep habarlaıdy RIA Novostı.

Caracol radıostantsııasynyń málimetinshe, Kolýmbııada joǵalyp ketken 13 jolaýshy men eki ekıpaj múshesi bar «Kýkýta-Okanıa» reısin oryndaǵan Satena ushaǵy apatqa ushyrap, borttaǵylardyń barlyǵy qaza tapqan.

— Birlesken úılestirý shtaby búginde baılanys úzilgen Satena ushaǵynyń tabylǵanyn rastady. Ushaq Kýrasıka aımaǵynda, La-Plaııa-de-Belen mýnıtsıpalıtetiniń aýyldyq jerine qulady. Habarlamada tiri qalǵandardyń joq ekeni de aıtylǵan, — delingen radıostantsııanyń saıtynda. 

Hk4709 borttyq nómiri bar Beechcraft 1900 ushaǵy Kýkýta-Okanıa baǵytymen ushyp, tústen keıin radardan joǵalyp ketti. 

Jergilikti BAQ-ta jarııalanǵan tizimge sáıkes, jolaýshylar arasynda Kolýmbııa depýtaty Dıogenes Kıntero jáne depýtattyqqa úmitker Karlos Salsedo boldy.

Eske sala keteıik, AQSh-ta ushaq apatynan 7 adam qaza taýyp, bir adam aýyr jaraqat aldy.