Kolýmbııada jer silkinisinen keıin úsh kúndik aza tutý jarııalandy
ASTANA. KAZINFORM – Kolýmbııa bıligi 10 tamyzda bolǵan magnıtýdasy 7,4 jer silkinisinen qaza tapqandardy aza tutý maqsatynda elde úsh kúndik ulttyq aza tutý jarııalady. Tıisti jarlyqqa prezıdent Abelardo de la Esprıelıa qol qoıdy, dep habarlaıdy Anadolu Ajansı.
– Kolýmbııa úkimeti el halqynyń atynan 2026 jylǵy 10 tamyzda bolǵan jer silkinisi saldarynan adamdardyń qaza tabýyna baılanysty qaıǵyryp, marqumdardyń otbasylary men jaqyndaryna kóńil aıtady. Jarlyqqa sáıkes, úsh kúndik ulttyq aza tutý kezinde eldegi memlekettik mekemelerde, sondaı-aq Kolýmbııanyń sheteldegi dıplomatııalyq ókildikterinde memlekettik týlar tómen túsiriledi. Úkimet qaıǵyly oqıǵadan zardap shekkendermen birge ekenin bildiredi. Bul tragedııa búkil eldi qaıǵyǵa batyrdy, – delingen úkimet málimdemesinde.
Prezıdent De la Esprıelıa áleýmettik jelide izdestirý-qutqarý jumystary «úzdiksiz» júrip jatqanyn málimdedi.
– Biz joǵalǵan baýyrlarymyzdy tabý úshin kúndiz-túni tynymsyz jumys istep jatqan qutqarýshylarymyz ben iz kesýshi ıtterimizge senemiz. Pereırada 30 jastaǵy Danıela Andrea Largo Sanches jeti saǵattyq izdeýden keıin birneshe mınýt buryn tiri tabyldy. Bul jańalyq bizge úmit syılap, senimimizdi nyǵaıta tústi. Qudaıdan medet tilep, qutqarýshylarymyzdyń janqııarlyq eńbeginiń arqasynda taǵy da kóptegen kolýmbııalyq tiri tabylyp, otbasylaryna oralady dep úmittenemiz, – dedi prezıdent.
Eske sala ketsek, buǵan deıin Kolýmbııadaǵy joıqyn jer silkinisinen qaza tapqandar sany 250 adamnan asqany habarlanǵan.
