Kolýmbııada jer silkinisinen keıin 5 áýejaı jumysyn qaıta bastady
ASTANA. KAZINFORM — Kolýmbııadaǵy bes áýejaı qýatty jer silkinisine baılanysty ýaqytsha toqtatylǵan jumysyn qaıta jandandyryp, kommertsııalyq reısterge qyzmet kórsete bastady. Bul týraly Kolýmbııanyń Azamattyq avıatsııa basqarmasy málimdedi, dep jazady Report.
Vedomstvonyń málimetinshe, Armenııa, Býenaventýra, Kalı, Kıbdo jáne Manısales qalalaryndaǵy áýejaılarda kommertsııalyq áýe qatynasy qalpyna keltirildi. Al Kartago men Pereıra qalalaryndaǵy áýejaılar ázirge tek memlekettik organdar men qutqarý qyzmetteriniń arnaıy reısterine ashyq.
Eske salaıyq, 10 tamyzda Kolýmbııanyń batysynda magnıtýdasy 7,4 bolatyn joıqyn jer silkinisi boldy. Dúmpýdiń oshaǵy Choko departamentinde ornalasqan. Elde jer silkinisinen keıin ulttyq apat rejımi jarııalandy.
Sońǵy málimet boıynsha tabıǵı apat saldarynan keminde 234 adam qaza tapqan.
Aıta keteıik, zilzaladan keıin eldegi fýtbol chempıonaty ýaqytsha toqtatyldy.
Sondaı-aq keshe Memleket basshysy Kolýmbııa Prezıdentine kóńil aıtý jedelhatyn joldady.
