Kolýmbııada jer silkinisinen 100-den astam adam qaza tapty: Ulttyq apat rejımi jarııalandy
ASTANA. KAZINFORM – Kolýmbııada 10 tamyzda eldiń batysynda bolǵan 7,4 baldyq jer silkinisinen keıin ulttyq apat rejımi jarııalandy, dep habarlaıdy Sınhýa agenttigi.
Asocapitales qaýymdastyǵy áleýmettik jelilerde prezıdent Abelardo de la Esprıelıa Apattar qaýpin basqarý komıtetiniń arnaıy otyrysyn ótkizip, sheshimdi jarııalaǵanyn habarlady.
Jer silkinisinen qaza tapqandar sany 111-ge jetti, taǵy 87 adam jaraqat aldy, dep habarlady Kolýmbııa prezıdenti Abelardo de la Esprıelıa Bogotada.
Abelardo de la Esprıelıanyń aıtýynsha, jer silkinisi 1575 úıge jáne alty áýejaıdyń ınfraqurylymyna zııan keltirdi. Onda kommertsııalyq áýe qatynasy toqtatyldy.
Buǵan deıin Kolýmbııada ushaq apatynan 69 adam qaıtys bolǵannan keıin aza tutý kúni jarııalanǵanyn jazǵan edik.
