Kolýmbııada jańa týǵan qyz balaǵa ChatGPT esimi berildi

ASTANA. KAZINFORM —Kolýmbııanyń kishi Serete qalasyndaǵy otbasy jańa týǵan qyzyna ChatGPT chat-botynyń qurmetine Chat Iıpıtı dep at qoıdy, dep habarlaıdy UPI. 

Kordova departamentine qarasty kishi Serete qalasyndaǵy kolýmbııalyq otbasy jańa týǵan sábıine tanymal ChatGPT baǵdarlamasynyń qurmetine Chat Iıpıtı Bastıdas Gerra esimin qoıý arqyly qyzý pikirtalas týdyrdy.

Jergilikti BAQ ata-analar bul esimdi tańdaýyn «jańa tehnologııalar men jasandy ıntellekt dáýirine qurmet» dep túsindirgenin habarlady. Ulttyq AHAT organy erekshe ataýdy esh qarsylyqsyz tirkedi.

Kóptegen qoldanýshylar tań qaldy jáne mundaı esimniń bolashaqta balaǵa qıyndyq týdyrýy múmkin ekenin atap ótti. Basqalary, kerisinshe, ata-ananyń sheshimin orıgınal jáne tipti «progressıvti» dep sanady.

Kolýmbııa zańy belgili bir esimderge tyıym salmasa da, Ulttyq reestr qyzmetkerleri tańdalǵan esim qorlaý nemese balanyń bedeline nuqsan keltirýi múmkin dep eseptese, tirkeýden bas tartýǵa quqyly.

Eske sala keteıik, ChatGPT álemdegi eń kóp qaralatyn besinshi saıtqa aınaldy.