Kolýmbııada ushaq apatynan jeti adam opat boldy
ASTANA. QazAqparat - Kolýmbııanyń soltústiginde Cessna 207 jeńil ushaǵy apatqa ushyrady, saldarynan jeti adam qaza boldy. Bul týraly bıliktiń málimetterine silteme jasaı otyryp BNO News habarlady.
Ushaqty Alas de Colombia aımaqtyq áýe kompanııasy paıdalanyp keledi. Býkaramangadan Malagýaǵa attanǵan Cessna 207 reısi sársenbi kúni kúndiz joǵalyp ketken. Onyń bortynda alty jolaýshy men bir ushqysh bolǵan. Ushaqtyń apatqa ushyraǵan orny Býkaramangadan ońtústik-shyǵysqa qaraı 16 shaqyrym jerden tabyldy. Bıliktiń málimetteri boıynsha, Cessna ushqyshy ushyp shyqqannan keıin oryn alǵan tehnıkalyq aqaýlyqtar týraly habarlaǵan. Sonymen birge ol áýejaıǵa qaıta oralatynyn aıtqan. Biraq kóp uzamaı áýe kemesimen baılanys úzilip ketken. Ushaqtyń naqty qaı júıesi isten shyqqany ázirge belgisiz, dep habarlady Interfaks.
