Kolýmbııada úsh táýlik qaraly kún bolyp jarııalandy
ASTANA. QazAqparat - Gýatape (Kolýmbııa) meri Marlenı Garsıa Ospına serýendeýge arnalǵan keme apatyna baılanysty úsh kúndi qaraly kún jarııalaý týraly jarlyqqa qol qoıdy, dep habarlaıdy álemdik BAQ.
Buǵan deıin toǵyz adamnyń qaza tapqandyǵy, 28 adamnyń iz-tússiz joǵalyp ketkendigi jáne kemeniń qıraýy barysynda 100-den astam jolaýshynyń qutqarylǵandyǵy jaıly málimet berilgen bolatyn.
Aıta keteıik, 25 maýsym kúni Kolýmbııanyń soltústiginde 150-den astam týrısti bar serýen kemesi apatqa ushyraǵan.
