Kolýmbııada tikushaq qulap, 15 adam mert boldy
ASTANA. QazAqparat - Kolýmbııanyń soltústik-batysynda polıtseılik tikushaq qulady. Saldarynan kem degende 15 adam qaza tapty.
Taǵy eki adamnyń jaǵdaıy aýyr, olarǵa tıisti kómek kórsetilip jatyr, dep habarlady Assoshıeıted press.
Tikushaq esirtki jasaýshylardyń kóshbasshylarynyń biri Ýsagany ustaý operatsııasyna qatysyp jatqan. Daıro Otonıel Ýsagany ustaǵan adamǵa amerıkandyq bılik bes mıllıon dollar kóleminde syıaqy taǵaıyndaǵan.
Aldyn ala málimetterge qaraǵanda, tikushaqtyń qulaýyna tehnıkalyq aqaýlyq sebep bolǵan.
Eske salaıyq, ótken aptada kolýmbııalyq ÁÁK 11 qyzmetkeri Karıb jaǵalaýynda tikushaqtyń qulaýy saldarynan ajal qushty.
