Kolýmbııada sý tasqynynan 127 adam ajal qushty
ASTANA. QazAqparat - Kolýmbııanyń Pýtýmaıo departamenti Mokoa mýnıtsıpalıtetinde ózenderdiń tasýynan 127 adam ajal qushty. Bul týraly Sınhýa agenttigi Halyqaralyq Qyzyl kres uıymyna siltememen habarlady.
Buǵan deıin Associated Press Kolýmbııa prezıdenti Hýan Manýel Santostyń málimdemesine súıene otyryp, apattan 112 adamnyń kóz jumǵanyn habarlaǵan edi.
Nóser jaýyn saldarynan ózender arnasynan asyp, tasyp jatyr. Sýdyń kóp bóligi tańsáriden turǵyn úılerdi shaıyp, adamdardyń ómirin tosynnan qıyp ketken. Mýnıtsıpalıtettegi kóptegen kópir qıraǵan. Kólikter de asaý tolqyndardyń jalynda kete barǵan.
El prezıdenti qaza bolǵandardyń týǵan-týystaryna kóńil aıta otyryp, qutqarýshylar men qarýly kúshterge japa shekkenderge shuǵyl kómek kórsetýdi tapsyrdy.
