Kolýmbııada sońǵy 9 aıda 200-den astam adam urlanǵan - Tulǵany qorǵaý ulttyq qory
ASTANA. Qazannyń 21-i. QazAqparat - Aǵymdaǵy jyldyń 9 aıynda Kolýmbııada 200-den astam adam urlanǵan. ITAR-TASS agenttigi bul týraly Tulǵany qorǵaýdyń ulttyq qoryna silteme jasap habarlap otyr.
Adamdardy urlaýmen kúresý úshin Kolýmbııanyń Qorǵanys mınıstrliginiń aıasynda qurylǵan atalmysh qordyń málimeti boıynsha aǵymdaǵy jyly qylmyskerler men solshyl radıkaldy toptardyń tutqyndaryna el azamattarymen qosa, AQSh, Shvetsııa, Japonııa azamattary túsken.
Adam urlaýmen aınalysatyndardyń qatarynda qylmystyq toptarmen qatar, Kolýmbııanyń Revolıýtsııalyq qarýly kúshteri men Ulttyq azat etý armııasy da bar. Revolıýtsııalyq qarýly kúshteri aǵymdaǵy jyldyń tek birinshi jartysynda qun suraý maqsatynda jáne saıası ýájder boıysha 35 kolýmbııalyq jáne sheteldik azamattardy tutqynǵa alǵan. Al Ulttyq azat etý armııasynyń esebinde -32 adam bar.
Aıta ketý kerek, Kolýmbııa sońǵy 40 jyl boıy ishki qarýly qaqtyǵystardan kóz ashpaı otyr. Degenmen, arnaıy jasaqtar men qorǵanys mınıstrligi bólimderiniń tıimdi is-áreketteriniń arqasynda sońǵy jyldary mundaı qylmystardyń sany kúrt azaıýda. Resmı málimetterge súıensek, eger 2000 jyly qylmystyq toptar men zańsyz qarýly qurylymdardyń tutqynynda 3 myń 572 adam bolsa, byltyr 213 adam ǵana urlanǵan.
