Kolýmbııada shahtada birneshe ret jarylys bolyp, 11 adam qaza tapty
BÝENOS-AIRES. TASS – QazAqparat – Kolmýbııada eldiń ortalyǵyndaǵy Sýtataýsa mýnıtsıpalıtetindegi shahtada birneshe ret jarylys bolyp, 11 adam qaza tapty, dep habarlaıdy QazAqparat TASS agenttigine silteme jasap.
El Tiempo basylymynyń habarlaýynsha, shahtada 30-dan astam kenshiler bolǵan.
Kýndınamarka departamentiniń dırektory Nıkolas Garsıa Býstostyń Twitter-degi jazbasyna qaraǵanda, jergilikti saǵat 05:20 mınýttaǵy jaǵdaı boıynsha, tonnelde 17 adam qalyp qoıǵan. Oqıǵa ornynda qutqarýshylar jumys istep jatyr.
Sýtataýstegi kómir shahtalarynyń birindegi jarylys seısenbi kúni keshkisin boldy. Artynan kórshi 4 shahtada birneshe ret jarylys boldy.
