Kolýmbııada shahta opyrylyp, keminde toǵyz adam qaza tapty
ASTANA. KAZINFORM – Kolýmbııanyń ońtústik-batysyndaǵy zańsyz shahtada taý jynystary opyrylyp, keminde toǵyz adam qaza tapty, dep habarlaıdy TASS agenttigi.
Bul týraly alǵash bolyp Narıno departamentiniń beıbitshilik jáne adam quqyqtary máseleleri jónindegi hatshysy Aleks Gonsales habarlady.
– Taý jynystarynyń opyrylýy saldarynan birneshe adam úıindi astynda qalǵany habarlandy. Olar shahtada jumys istegen. Qazirgi ýaqytta toǵyz adamnyń qaza tapqany týraly málimet bar, – dedi ol Caracol telearnasynyń efırinde.
Oqıǵa ornynda izdestirý-qutqarý jumystary jalǵasyp jatyr. Alaıda aýmaqqa jetýdiń qıyndyǵy men qaýipsizdikke qatysty máseleler qutqarýshylardyń jumysyna kedergi keltirip otyr.
Caracol telearnasynyń málimetinshe, qaza tapqandar sany 12-15 adamǵa jetýi múmkin.
Altyn zańsyz óndirilgen shahta Santa-Barbara mýnıtsıpalıtetinde ornalasqan.
Eske sala ketsek, buǵan deıin Pákistandaǵy shahtada bolǵan apattan qaza tapqandar sany 34 adamǵa jetkenin jazdyq.
