Kolýmbııada prezıdent saılaýy ótip jatyr
ASTANA. KAZINFORM — Kolýmbııada prezıdent saılaýy ótip jatyr. Saılaý ýchaskeleri jergilikti ýaqyt boıynsha saǵat 08:00-de ashylyp, 16:00-ge deıin jumys isteıdi, dep habarlaıdy Report.
Prezıdent laýazymyna 11 kandıdat úmitker bolyp otyr.
Sońǵy saýalnamalarǵa sáıkes, saılaý dodasynda bıliktegi solshyl «Tarıhı pakt» partııasynyń kandıdaty Ivan Sepeda, ásire ońshyl kásipker Abelardo de la Esprıelıa jáne ońshyl-tsentrıstik «Demokratııalyq ortalyq» partııasynyń ókili Paloma Valensııa kósh bastap keledi.
Birinshi týrda jeńiske jetý úshin kandıdat 50 paıyzdan astam daýys jınaýy tıis. Eger eshbir úmitker bul mejeden asa almasa, ekinshi týr 21 maýsymda ótedi.
2022 jyldan beri eldi basqaryp kele jatqan qazirgi prezıdent Gýstavo Petro konstıtýtsııalyq shekteýge baılanysty ekinshi merzimge qaıta saılana almaıdy.
Aıta keteıik, Venesýela oppozıtsııasy AQSh-tyń aralasýymen erkin saılaý ótkizýge shaqyrdy.
